في آذار ٢٠١٩، سوشال ستوديو يختار تطبيق إنجز كواحد من أفضل التطبيقات التي قام بتطويرها فلسطينيون
إنجز!
طريقة أفضل للوصول للياقتك البدنية
تطبيق انطلق سنة ٢٠١٨، بينظم عملية دخولك لنوادي بناء الأجسام واستوديوهات اللياقة البدنية بدون ما يكون عندك اشتراك شهري تقلق(ي) بخصوصه.
من خلال تغيير نظام ارتياد النوادي الصحية، هذا التطبيق رح يساعدك تلتزم(ي) بتطوير صحتك من خلال توفير فرصة الدخول للنوادي الصحية بنظام يوم بيوم.
إنجز رح يساعدك تختار(ي) النادي المناسب ويعرض عليك(ي) خياراتك بناءً على موقعك.
شو اللي بميّز إنجز؟
إذا عندك مشاكل بالإلتزام مع نادي لمدة محددة لأنه جدول وقتك مش ثابت أو لأنك دايماً بتتحرك(ي)، إنجز رح يساعدك (ي)تنظم(ي) تمارينك بواقع المياومة وين ما تكون.
وما تقلق(ي) بخصوص الإشتراكات، تعاملك رح يكون مع تطبيق إنجز اللي رح ينظم تمارينك من خلال شبكة النوادي الموجودة عليه.
استفيد(ي) من التنوع اللي إنجز بيوفره وتنقل(ي) بين النوادي وتمتع(ي) بمرافقها المختلفة ونوّع(ي) نظامك الصحي بين رفع الأثقال والسباحة واللياقة وغيرها من الخيارات اللي مش رح تكون متاحة بمكان واحد.
كيفية الدفع؟
الدفع أو الشحن من خلال بطاقة الإعتماد حتى اللحظة غير متوفر، إنما رح يتوفر قريباً -بناءً على تصريحات علي طزمي أحد المؤسسين-.
وفي الوقت الحالي بإمكانك شحن حسابك على التطبيق من خلال نقاط شحن PALPAY.
إنجز حتى اليوم مغطي حوالي ٨٠٪ من النوادي والاستوديوهات الصحية والرياضية في رام الله وبيت لحم، وتم تحميله أكثر من ١٠٠٠ مرة وحافظ على تقييمات ممتازة من المستخدمين.
حمّل(ي) التطبيق من الروابط تحت:
